美股又被总統先生挾持了。 特朗普去咗大衛營打哥富, 返出黎時侯, 白宮人事已物換星移,人面全非。
宮廷劇的真實板係: 極右老大兼開國功臣巴倫對决大女和猶太女婿, 還有巴倫與所謂溫和的白宮經濟顧問科恩爭奪戰, 然後少不了共和黨大佬們想博大霧抽吓水, 提醒總統先生, 佢係好需要共和黨人的。一大堆恩怨情仇, 對投資市場最吃緊的當然係科恩這位前高盛大佬的去留, 無咗佢大家心知肚明稅改就要收皮, 所以股市波動。巴倫起身, 似乎並非完敗給科恩, 而係猶太人頂佢唔順招致都緊要架。
當巴倫正準備走人, Charlottesville鎮就發生了極端右派用車撞死人事件, 而劇情既高潮竟然係總統唔反對極右思想! 大家如夢初醒, 驚覺這些白人主義激進團体原來係支持特朗普當選的生力軍, 雖然美國存在種族問題, 但主流恩想仍係克制的、反對暴力的。巴倫大佬離開白宮、就返去從前他的地盤繼續鼓吹白人主義啦, 有傳聞話佢要開出一張敵人的名單。民主黨馬上發聲, 提醒巴倫咪亂嗡兼要為政府保密、否則要拉佢。
共和黨原老級的麥凱恩上個月就用一票推翻總統的打擊Obama Care 的法案, 告訴特朗普: 你只係總統,唔係黨大佬呀! 當然佢地都支持科恩、因為佢係高盛出黎架喎。
想挾特朗普? 無咁易! 總統先生祭出大招, 在亞里桑那發狠話: "If we have to close down our government, we're building that wall." 美股又向下跌。無咗巴倫、特朗普照樣民粹, 照樣向右。話知你共和黨、民主黨點稔、一於下馬威, 特別係要震攝共和黨!
縱觀大勢, 特朗普以家族手法經營總統店、要面對共和民主兩黨壓力, 顯然作為不大, 只會耗力氣內鬥。而經濟顧問科恩都無咩作為, 很可能想改去坐耶倫個位, 唔駛留係白宮玩紙牌屋的悶局。家下唔係稅改好不好的問題, 而係宮廷政治、話事權的問題, 所以是否有稅改, 大家無從估計。如此下去,美股睇怕要向下調整了。又因為科恩留低, 稅改機會雖低郤又不能抹殺。極矛盾的投資者將要面對美股波動擴大, VIX 上升。要小心啦。
賭波站賠率預期到特朗普被彈核的机會率係六成。但國會的控制權在共和黨掌握中, 佢班友點做就難講囉! e個黨可能會患上人格分裂症。
